Sagastiko biribilguneko proiektua ikusgai egongo da maiatzaren 3an eta 4an

Datorren astean jarriko dute ikusgai Sagastiko biribilguneko proiektua jendaurrean. Hain zuzen, maiatzaren 3an eta 4an Udaletxeko osoko bilkuran egongo da ikusgai proiektua bulego orduetan. Hala, proiektua ikusi eta alegazioak jartzeko modua egongo da. Alegazioak aurkezteko azken eguna maiatzaren 14a izango da. Udala arduratuko da alegazioak idazteaz.

Sagastiko bidegurutzean

GI-632 errepidearen eta Sagasti kalearen bidegurutzean eraikiko dute biribilgunea. Gipuzkoako Foru Aldundiak 567. 000 euro inbertituko ditu lan hori egiteko. Puntu hori GI-632 errepidearen 19,250 puntu kilometrikoa da; gainera, puntu hori baino 200 metro aurrerago dagoen Antiguako auzorantz doan bidea ere berrituko dute.

21 metroko erradioa

Biribilgune berriak 21 metroko kanpoko erradioa izango du marra zuriraino; eta, barruko erradioa 15 metrokoa izango da. Bi aldeetan metro bete zabaleko bazterbidea egingo dute.

 

Sagastiko biribilgunearen proiektua jendaurrean ikusgai

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.