Begirada izenburupean, gonga, goporrak, danborrak, marakak, harizko tresnak eta ahotsa erabiliz nork bere burua ezagutzeko ikastaroa eskainiko du Nick Twilleyk. Margolanean, perkusioan, antzerkian eta musikan jasotako irakaspenak zabaltzea da ikastaroon asmoa.
Izenematea
Nick Twilleyk hauxe dio: "Soinu sakratuaren erabileraren eta mugimenduaren behaketaren bitartez gure gogo garbiaren edertasuna ikusteko modua" dela.
Urriaren 10ean eta 11n izango dira saioak, 10:00etatik 20:00etara Laskurainandi baserrian. Eguneko 85 euro ordaindu behar dira, janaria barne, eta argibide gehiagorako interesatuek deitu beharko dute zenbaki honetara: 660 79 85 15 (Arantza); edo e-posta idatzi honako helbidera: isarai323@gmail.com.