Partiduak eta saskiratze lehiaketa saskibaloi jaian

Udaleko Kirol batzordean herriko txapelketak antolatzeko beharra antzeman eta frontenis txapelketa eta Olalderekin batera pilota txapelketa abiatu zituzten. Orain, saskibaloi jaia egingo dute, ekainaren 14an, zapatuan, egun osoz, eskolako patioan.

Partiduak 09:00etan hasiko dira eta finalak 18:30ean jokatuko dituzte. Neskek eta mutilek zortzi mailatan banatuta taldeka jardungo dute partiduetan, baita hiruko eta biko saskiratzeak egiten ere.
Jaiaren helburuak dira kirola egiteko ohitura bultzatzea; herrian saskibaloian jokatzeko zaletasuna piztea; eta herritarren arteko harremanak eta giroa suspertzea.


Saskibaloi jaiaren ostean, bizikletaren jaia eta herri lasterketa ere egin nahi dituzte.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.