Abuztuan hasi ziren garabiarendako oinarria jartzen; zementuzko oinarri hori jarri dute elizaren atzeko aldean, frontoia eta eskola lotzen dituen kalean. Guipuzcoana de Reformas enpresak egingo ditu lehen faseko lanak; zortzi hilabeteko epea du enpresa horrek lanak egiteko.
Kalea moztuta
Lanek irauten duten bitartean guztiz moztuta egongo da kalea. Erabaki horixe hartu du oraingo astean Udaleko Hirigintza batzordeak. Hasiera baten Udalaren asmoa zen lanen arduradunei eskatzea pasatzeko tokia lagatzeko. Azkenean, baina, erabaki dute kalea guztiz itxita egongo dela zortzi hilabeteotan. Horren arrazoia honakoa da, Pedro Iturbe alkateak azaldu duenez: "Garabiaren inguruan ibiltzea arriskutsua izan daiteke; arrisku hori ekiditea da erabakiaren arrazoia".