Osoko bilkura eguaztenean egingo dute

EAE-ANVko gobernukideen proposamena izango da hileko lehen eguaztenetan, 18:30ean, egitea osoko bilkurak. Eguaztenean hartuko dute horren gaineko erabakia.

Bestalde, udalbatzarraren aginpekoak diren elkarteetan parte hartzeko ordezkariak izandatuko dituzte; honakoak dira elkarteok: Debagoieneko Mankomunitatea, Suradesa, Gipuzkoako Ur Partzuergoa, EUDIMA, UEMA, EUDEL eta Mendi Nekazaritza.

Batzordeen banaketa

Udaleko batzorde informatzaileak zela osatuko dituzten eta batzorde bakoitzaren ardura zein zinegotzik hartuko duen ere zehaztuta geratuko da eguazteneko batzarrean. Honako batzordeak dira banatu beharrekoak: Hirigintza eta Zerbitzuak; Euskara eta Hezkuntza; Kirolak eta Gazteria; Kultura; Gizarte Ongizatea; Nekazaritza eta Ingurumena; eta Ogasuna eta Pertsonala.