Anelkarren, Juan Antonio Lizarralderen koadrilakoen, abesbatzaren eta dantzarien deiari erantzunez, jende asko gerturatu zen zapatuan elizara. Eliza leporaino bete zen eta antzuolarrak ez ezik kanpotik etorrita ere jende dezente izan zen jaialdian.
Juan Antonio Lizarralderen bizitza laburtu zuten argazki bidez eta baita bere mezua jendeari helarazi ere. Javier San Sebastian, koadrilako lagunak Juan Antonio Lizarralderi propio egindako bertsoek hartu zuten tokia gero eta gabon kanten ordua etorri zen gero. Sei taldek, 80 lagun inguru, bina abesti eskaini zituzten
Omenaldia egin zuten gero eta talde guztiek abestuz dantzariek agurra egin zieten familiakoei eta Anelkarrekoek lora sorta bat eman zieten. Amaitzeko abeslari guztiek bi abesti kantatu zituzten elkarrekin.
Antolatzaileen esanetan oso ekitaldi hunkigarria izan zen eta abeslariei, taldeen zuzendariei eta herritarrei eman nahi dizkiete eskerrak. Antolatzaileek ez ezik Juan Antonio Lizarralderen senideek ere antzuolarrak eta ekitaldira gerturatutako lagunak ere eskertu zituzten.
Emanaldiko argazkiak eskuratu nahi dituenak Mari Pazengana jo dezake argazki dendara.
Zozketa
Anelkar elkartea zen omenaldiaren antolatzaileetariko bat eta taldeak zozketatutako gabon otarrak badu irabazlea. 3.350 txartel saldu zituzten eta zenbakia saritua 0317 izan zen; Isabel Martinena, hain zuzen ere. Jasotako diruarekin Brasil, Senegal eta Kongoko hainbat proiektu bultzatuko dituzte.
