Gabonak gertu daudela-eta, urtero egin ohi duten moduan, Musika Eskolako ikasle antzuolarrek kontzertua eskainiko dute abenduaren 15ean, astelehenean, udaletxeko areto nagusian, 18:30ean. Ahots teknika eta koral eskoletan dihardutenek, 25 inguruk, hasiko dute emanaldia. Guztira lau abesti eskainiko dituzte: 'Animalien abestia' txikienek; eta 'Titili eta Tatala', abesti afrikar bat eta 'Oh Night' kantua koralekoek.
Instrumentuen txanda izango da gero. Soka instrumentuetan antzuolar bakarra izango da eta bergararren laguntza izango du. Biolina, biola eta biolontxeloa joko dituzte. Saxofoi taldeak flauta jolea izango du lagun, eta gero, akordeoi jole batek, trikitilariek eta piano eta gitarra joleek jardungo dute; horiek guztiak, Antzuolako ikasleak.
Musika Eskolakoek esan digute azken urteotan jende asko gerturatu izan dela musikaz gozatzera. Hortaz, aurten ere kontzertuaren arrakasta errepikatzea espero dute.
Lizarralderen omenez
Gabonetan izango da beste kontzerturik: abenduaren 27rako Gabon kantu jaialdia antolatu dute Juan Antonio Lizarralderen omenez. Parrokian, 18:30ean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak