Aurreko urteetan bezala, aurten ere Aratusteak ospatuko dituzte Antzuolako erretiratuek. Otsailaren 16an, martitzena, egingo dute jaia. Erretiratuen elkartean txokolate-jana eta kina jokoa egingo dituzte. Aratuste-martitzenean mozorrotuta daudenen artean sariak banatuko dituzte; hain zuzen, hiru mozorro onenek eramango dituzte sariak. Erretiratuen elkartekoek dei egin dute mozorro jaian parte hartzera animatzeko. Mozorro jaian izena emateko egunak hauek dira: otsailaren 9a eta 10a, martitzena eta eguaztena, 16:00etatik 18:00etara, erretiratuen elkartean.