Zumarraga alderako bidea hartu eta Aizpurutxotik eta Azkoititik pasatuta Azkarate eta San Migel mendateetan barrena Bizkaia aldera joko dute. Etxebarri, Markina, Bolibar, Munitibar, Aulesti eta Gizaburuaga pasatu eta gero Lekeitiora iritsiko dira. Portuan bueltatxo bat eman eta gero hamaiketakoa egingo dute Itxas Alde tabernan.
Gidariak eta motorrak gasolinaz bete eta berriz abiatzeko gertu izango dira motor zaleak. Bizkaiko hainbat txoko igaroko dituzte: Ispaster, Ea, Ibarrangelu, Elantxobe, Gautegiz-Arteaga, Kortezubi, Gernika, Forua, Murueta, Busturia, Sukarrieta, Mundaka, Bermeo eta Gaztelugatxe. 13:00etarako aurreikusi dute hara iristea eta argazkia aterako dute denak ailegatutakoan.
Bazkaria Mungian
Gero, Mungiarako bidea egingo dute Bakio, Lemoizko zentral nuklearra, Plentzia, Maruri eta Larraurin barrena. Fonda jatetxean egingo dute bazkaria eta bueltan Gamiz-Fika, Larrabetzu, Zornotza, Durango, Izurtza, Mañaria, Urkiola eta Otxandio pasako dituzte.
Olaetan freskagarri bana hartu eta Kruzeta gainetik, Aramaio, Arrasate eta Bergara atzean utzita 19:00etarako Antzuola iristea da asmoa, 300 kilometro inguru egin ostean.
Irteeran parte hartu nahi duten motor zaleek Mujika harategian eman behar dute izena hilaren amaiera baino lehen.