Mendizabalek GRAVN txapelketako finala jokatuko du domekan Ogeta pilotalekuan

Aitor Mendizabal pilotari gazteak GRAVN txapelketako finala jokatuko du domekan Gasteizko Ogeta pilotalekuan. Partiduak 10:00etan hasiko dira eta antzuolarrarena bigarren lehia izango da.

Errioxaren aurka

Gipuzkoako selekzioarekin ibili da Mendizabal txapelketan. 22 urtez azpikoen mailan Berastegiko Zubiri pilotariarekin batera osatu du bikotea. 
Domekan aurrean izango dute Rico-Ontoria bikote errioxarra. "Lehenengo fasean denok denon aurka jokatu genuen. Lehenengo geratu ziren errioxarrak; hala, zuzenean sailkatu ziren finalerako. Guk bizkaitarren aurka jokatu genuen finalerako txartela lortzeko: 22-21 irabaziz", azaldu du Mendizabalek.

Elkoro eta Berraondo

Esan behar da Gipuzkoako hautatzaileak direla Aitor Elkoro eta Aritz Berraondo pilotari ohiak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.