Mairuaren alardean parte hartzeko izena eman behar da

Mairuaren alardean parte hartu gura duenak izena eman beharko du. Izena emateko azken eguna gaur da, eguaztena. Horretarako, udaletxera deitu 943 766 246ra eta izen-abizenez gain, sakelako telefono zenbakia eta helbide elektronikoa eman beharko dute interesa dutenek. Gainera, 'kultura@antzuola.net'-n ere eman daiteke izena.

Uztailaren 17an

Mairua biziberritzeko taldea lanean hasita dago aurtengo alardea antolatzen; uztailaren 17an izango da alardea aurten.

Berrikuntzak

“Iaz, alardea eguneratuta arrakasta handiz bizi izateko aukera izan genuen; eta, hori hala izan zen jendearen parte-hartzea izan genuelako. Aurtengo asmoa da iaz ondo atera ez zirenak kontuan hartu eta zuzendu, eta beste hainbat berrikuntza sartzea”, azaldu dute Kultura saileko arduradunek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.