Zapatu goizean plater tiroketa probak egin eta 16:30ean herriko plater tiroketa txapelketa izango da. 18:00etan ume jolasak, 19:00etan txokolate-jana eta 20:00etan trikitilariak. Afaria izango da gero, eta afalostean bertsolariak eta erromeria Unanue, Agirre eta Biteri trikitilariekin. Eta 2008ko aitzur onenarendako saria emango dute.
Meza eta dantza domekan
Domekako jai giroa txistulariek hasi eta txirrindulari igoera izango da 11:30ean. 12:00etan meza egongo da; gero salda banatuko dute eta erretiratuendako mokadua. Eguerdiko dantzarien saio ostean, 16:00etan erromeria egongo da eta tartean aizkora desafioa.