Aste bukaerari begira, zapatu arratsaldean hasiko dituzte ekintzak. 16:30ean plater tiroketa izango dute; eta, horrez gain, umeendako jolasak eta puzgarriak. 19:00etan txokolatada egingo dute ermitaren aurrealdean.
Bertso-afaria
Iluntzean afari herrikoia egingo dute. Bertsolariek eta trikitilariek girotuko dute afaria: Gurrutxaga bertsolariak eta Unanue, Agirre eta Biteri trikitilariek. Gauerdian su artifizialak botako dituzte.
Domekan, meza
Domekan, txistularien dianarekin hasiko dute eguna. Ondoren, meza, dantza saio eta lunch-a. Gainera, Lizarragako txirrindulari igoera egingo dute; meza ondoren banatuko dituzte sariak. Arratsaldean erromeria izango dute Miren, Agur eta Gorkak girotuta.