Lanuztea herri osora zabaldu da eta Antzuolako hainbat komertziok ere egin dute ordu erdiko lanuztea.
Rosarito Yarza eta Lurdes Badiolak, era desegokian kaleratu dituztela salatu dute. Baita 30 urte inguru lanean egon ostean, lantegiko buruek beraien lana gutxietxi dutela ere. Arduradunen formak ez direla egokiak izan gaineratu dute.
Uda hasieran eta azaroan Talleres Anzuolako bi langile kaleratuak izan ziren. 37 eta 28 urtez lan egin ostean arrazoi ezberdinengatik beraien kontratuekin amaitzea erabaki zuten enpresa buruek. Sindikatuen ustetan kaleratze hauek oso egoera txarrean egin direnez, azaroa ezkero hainbat mobilizazio egin dituzte.
Talleres Anzuolatik Jose Ramon Arrazolak adierazi digu, Rosarito lan faltagatik kaleratu behar izan zutela. Lurdesen kasua, aldiz, bestelakoa izan dela, konfiantza faltagatik kaleratu zutela. Gainera, adierazi dute bi langileei dagokien diru kopurua ordaindu dietela.