Bero zapa egin arren, Kalebarrengo jaietan "Antzuolako ume guztiak" ondo entretenituta zebiltzan gaur (zapatua) eguerdi partean kioskoaren plazan. Ginkana, plastilina-lanak… Eurei bereziki zuzendutako ekitaldiak aprobetxatu, eta gurasoen jarraipen zorrotzarekin parte hartu dute ekitaldietan. Iluntze-gau partean, berriz, nagusiagoen txanda izango da. Sagar dantza egingo dute lehenengo (20:00etan), arbola-jasotzea ere bai, eta herri-afaria gero (80 lagunendako, asko jota), "euria bada, arkupean", antolatzaileen esanetan.
Jakina, afariaren ostean jaiek aurrera segituko dute, ekitaldi kuriosoekin, gainera. Piropo eta antipiropo lehiaketa, Sunbilatik izeneko "konjunto" bereziaren jarduna eta antzuolarren jai-gogoak ematen duen guztia.
Bihar, berriz, meza ostean salda eta txorizoa partituko dute, "erretiratuekin bereziki pentsatutako" ekimen modura, eta besteak beste, Udalaren laguntzarekin kale-antzerkia izango da 19:00etan, De Bote en Bote taldearekin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
