Bilera horretan jaso nahi dituzte ahalik eta proposamen gehien, ondoren, denen artean, aztertzeko eta erabakitzeko besteak beste zein musika taldek jardungo duten, zein beste ekintza berri antolatu daitekeen, adin bakoitzerako egokiak diren jarduerak antolatzeko...
Deialdi zabala
Kultura sailak herriko taldeei egin die bilerara joateko deia; kultura eta kirol elkarteei zein bestelako jardueretan diharduten taldeetako ordezkariei. Hainbat koadrilari ere egin die gonbidapena. Baina batzarrera jaiak antolatzeko interesa duen edozein herritar joan daiteke.
"Asmoa da denen iritzia jasotzea eta zenbat eta jende gehiago izan bileran proposamen gehiago jasoko dugu. Horrela, denon ardura izango da jaietan ahalik eta gusturen ibiltzeko ekintzak antolatzea", esan digu Jone Larrañaga kultura teknikariak.