Hitzordua 09:00etan egin dute Sagastin eta autoz joango dira irteera gunera. Gutxi gorabehera lau orduko ibilaldia izango da irteeraren antolatzaile en esantan. Udala eta Arrola mendizale elkartekoa arduratu dira, hain zuzen ere, irteera gertatzeaz.
Antzuolako herri gunetik urrutien dauden eta beharbada herritarrendako ezezagunenak diren inguruak eta baserriak ikusteko aukera izango dute ibilaldian parte hartzen dutenek. Ibilbidean barrena honakoak ikusiko dituzte:
- Bergara eta Antzuola bitarteko hamar mugarri
- Txangala auzoko baserriak
- Ameztiko elur zuloa
- Itsumendi gaina
- Azkueko herri sailak
- Iturri berri, Gorlako eta Oritzako iturriak
Azkena maiatzean
Antzuola ezagutzen egitasmoko hurrengo ibilbidea, azkena hain zuzen ere, maiatzaren 10ean izango da Aizpurutxo eta Deskarga artean.