Axun Arzuaga zuzendari lanetan eta bederatzi aktore taula gainean, muntaia arduradunen laguntzaz antzerkia eskaintzeko.
65 urte betetzear den emakume bati sortzen zaizkion kezkak eta zalantzak azaldu zizkieten antzerki bidez Torresoroako aretora joandako 62 antzuolarrei, gehienak erretiratuak.
Urteak betetzea ez dela drama bat, proiektu berriak martxan jartzeko bizitzak ematen digun beste aukera bat baizik erakutsi zuten erretiratuek obra horren bitartez. Komedia arina, dibertigarria eta xamurra ikusleen gustukoa.
Antzerkiaren ostean, Ikusi Makusikoek eta Antzuolako erretiratuen elkartekoek elkarrekin egin zuten merienda eta elkar hobeto ezagutzeko aukera izan zuten.