Udalbatzak oinarriak onartu ditu herriko etxebizitzetan igogailuak instalatzeko emango dituzten dirulaguntzak arautzeko. Diruz lagunduko dituzte era berean, hirigintza oztopoak kentzeko lanak igogailua ipintzeko lanen osagarri direnean: arrapalak, plataforma jasotzaileak, edo atarirako edo atari barruko desnibelak kentzea.
Dirulaguntzak ematerakoan lehentasuna dute etxebizitzetako jabeen elkarteek, baina onar daitezke elkarterik osatzen ez duten jabeen eskariak ere, kasua aztertu ostean.
Diruz lagunduko dira oraindik egiteke dauden lanak, eskaririk aurkeztu ez delako edo baimenik eman ez delako; bestela, 2008an amaitutakoak edo amaitzeko daudenak.
Eskaera orriak udaletxeko erregistroan aurkeztu behar dira lanen aurrekontuarekin. Aurtengoak abenduaren 31ra bitartean aurkez daitezke.
Udalak lanen jarraipena egingo du eta aurkeztutako proiektuan aldaketak egin eta horren berri eman ostean Udalaren baimenik jaso ez arren aldaketak eginez gero, diru laguntza eten dezake.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak