Autoz Uzarragara igota, Arrasate, Aizpakar, Azkue gaineko larreak eta Kostarratzu inguruak ezagutuko dituzte. Gero, autoz Azaldegieta, Landarraitz eta Astoaga aldera joango dira, han baitaude lursailik handienak, guztira 97 hektarea baso, landare mota askorekin.
Mota bereziko zuhaitzak
Ibilbidean barrena pagoak, haritzak, gaztainondoak, urkiak, lizarrak... ikusiko dituzte, baita landatutako larizeo, alertze, douglas izei eta Korsikako alizoa ere. Badira mota bereziko zuhaitzak ere: pinus strobus, picea, sitchensisere, adies nordnaniana...
Antzuolak, guztira, 248 hektarea ditu lursailetan (erabilera publikoko mendiak): basoetan, 179 hektarea; eta zelaietan, 69 hektarea (horietako gehienak Gorla inguruan).
Irteera gidatua
Domekako ibilaldian parte hartzen duten herritarrek gidari berezia izango dute azalpenak emateko: Imanol Astola basozain zegamarra. Jose Mari Iturbe Ingurumen zinegotziak esan digunez, "hark oso ondo ezagutzen ditu landare motak, baita herri sailak ere".
Jose Mari Iturbek gonbidatu nahi ditu herritarrak domekako ibilaldian parte hartzera, "ondare garrantzitsua" direlako gure basoak: "Gure arreta eskatzen dute eta ezagutzeak lagundu behar gaitu zaintzera".