Ibilaldi neurtuan parte hartu nahi duten Antzuolako Herri Eskolako umeek jadanik eman dute izena. Baina gainontzeko herritarrek, gurasoek esaterako, badute mendi ibilaldira joateko aukera.
Arrola mendizale elkarteko zuzendaritzako kideak eguaztenean, 19:00etatik aurrera, euren lokalean egongo dira. Ibilaldian parte hartzeko interesa duenik egongo balitz izenak bertan jasoko dituzte.
Ibilbidea
Mendizaleek Aranzadi Ikastolan, Seminarioko patioan, hasiko dute ibilbidea 08:30ak aldera. Agarrera joango dira bertatik eta Parteitti auzora gero. Bertan bigarren kontrola izango dute. Konoba baserrirako bidea egingo dute ondoren, eta hamaiketakoa izango dute bertan zain. Zupide baserrian egongo da hirugarren kontrola eta azkenik, San Martzialera joanda ikastolan amaituko dute ibilaldi neurtua. Gutxi gorabehera hiru ordu eta erdi beharko dituzte amaitzeko.