Bi hitzaldi eta horien gaineko bi tailer egingo dituzte. Hilaren 27an Medikazioa eta auto-medikazioa delako hitzaldia egingo du Marisa Bouzas medikuak. Bestalde, hilaren 29an, elikagaien segurtasunaz berba egingo dute erretiratuendako. Oraindik ez dakite nork egingo duen egun horretako berbaldia.
Bi egun horietan teorian landutakoa praktikan ipiniko dute irailaren 28an eta 30ean: hitzaldien izenburu bera duten tailerrak egingo dituzte. Begoña Olabarrieta izango da irakaslea. Bestalde, kontsumo astea bukatzeko irteera egingo dute Donostiara. Aldundiko kontsumo gelara bisita egingo dute eta tailerretan ikasitakoa praktikan ikus ahalko dute.
Donostiako irteerara joan nahi dutenek ere hilaren 21ean eman beharko dute izena erretiratuen elkartean. Autobusa 10:00etan irtengo da Antzuolatik.