Martxoaren 14an, eguaztena, izango da hurrengo hitzaldia, inmigrazioaren gainekoa hori ere: Inmigrazioa eskolan izenburuaren pean, Mondragon Unibertsitateko irakasle Amelia Barquinek berba egingo du. 18:30ean izango da hori, Herri Ikastetxean bertan.
Martxoaren 22an, eguena, bestelako gaia izango dute hizpide, eskolakoek antolatutako hirugarren hitzaldian: Eskola, haurra eta lana: bateragarriak? izenburua jarri diote berbaldi horri. Gasteizko Irakasle eskolako irakasle batek, Maria Jose Intxaustik, hain zuzen ere, egingo digu berba. 18:30ean izango da hitzaldi hori ere.
Martxoaren 27an, martitzena, izango da azkeneko hitzaldia, Elikadura eta osasuna izenburua duena. Bergarako Mireia Alberdi elikaduran aditua etorriko zaigu egun horretan. Hitzordua, kasu honetan ere, Herri Ikastetxean, 18:30ean.
Apirilean, sorospen ikastaroa
Bestalde, apirilerako, sorospen ikastaroa antolatu dute, Herri Ikastetxeko umeen gurasoendako. DYAko adituek lehen sorospenen gaineko azalpenak emango dizkiete. Apirilaren 16an eta 17an, astelehena eta martitzena, izango da ikastaroa, arratsaldez. Eskolako umeek ere jasoko dute ikastaro hori, baina, eskola orduetan. Datorren astean, martxoaren 12an eta 13an, hain justu, etorriko zaizkie umeei DYAko kideak lehen sorospenen ikastaroa ematera.