Ordizian, euskal jaien barruan, gazta lehiaketa ospetsu bat egiten dute eta ezaguna da, besteak beste, diru kantitate handia ordaintzen delako irabazten duen gaztaren erdiarengatik. Aurten 7.200 euro ordaindu dituzte. Sari nagusia Idiazabalera joan bada ere, debagoiendarrak ez dira urruti ibili, eta Antzuolako Pikunieta baserrikoek hirugarren saria lortu dute Ordiziako gazta lehiaketan.
Aurten hirugarren aldiz aurkeztu dira Antzuolako Pikunieta baserrikoak Ordiziako gazta lehiaketara eta Idoia Azkarate Pikunieta baserrikoak esan digu, sariarekin pozik itzuli direla etxera. Errekonozimendu handia izan da eurentzat, izan ere, 67 gazta aurkeztu ziren lehiaketara eta hainbesteren artetik hirugarren geratzea, emaitza oso ona da.
Baina Ordiziako gazta lehiaketan aurkezteaz gain, beste batzuetan ere hartzen dute parte, batez ere inguruko herrietakoetan.
Pikunietakoek ogibide dute gaztagintza eta dagoeneko 20 urteko ibilbidea dute.
Gazta ekologikoa egiten dute Pikunietakoek, eta horixe da duen berezitasunik handiena. Horretarako, dituzten 120 ardiei elikagai ekologikoak ematen dizkiete.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak