Kultura teknikariak esan digu helburua dela argazkien bidez herritarrek Antzuola hobeto ezagutzea eta txoko horiekin gozatzea, batetik; bestalde, Udalak argazki artxiboa osatzeko materiala jasotzea.
Oinarriak
- Lanak aurkezteko azken eguna apirilaren 30a da eta argazkia aurkeztu beharko da 30x40 zm.ko krema koloreko kartoi mehean itsatsita.
- Argazkiaren neurria gehienez 25x35 zm.koa izango da.
- Kartoi mehearen atzean argazkiaren izenburua ipiniko dute parte hartzaileek eta gutunazal itxi batean egilearen datuak.
- Ondoren, jasotako argazki guztiekin erakusketa egingo dute maiatzean.
Parte hartzaileak hiru mailatan banatuko dituzte: lehenengo mailan 14 urtera artekoak egongo dira eta partaide guztiek jasoko dute saria; bigarren mailan 15 eta 25 urte artekoetan bi sari banatuko dituzte; eta 26 urtetik gorakoen artean beste bi.
Lehen aldia da herriko txokoen gaineko argazki lehiaketa antolatu dutena. Izan ere, udazkenean egiten duten argazki lehiaketako gaia librea da. Horrek herritarren artean estimua duela eta partaide asko izaten direla kontuan hartuta urria aldera berriz egingo dute deialdia.