Herriko txikien abesbatzak lehen emanaldia egingo du Santa Zezilia eguna ospatzeko

Aintzane Irizar 2007ko aza. 23a, 11:13
Zapatuan, azaroak 24, ospatuko dute herriko musikariek Santa Zezilia eguna, herriko parrokian. Hantxe parte hartuko dute Antzuolako Musika Eskolako abesbatzakoek. Euren lehen emanaldia izango da.

Azaroaren 22an, eguenean, zen Santa Zezilia musikarien zaindariaren eguna. Antzuolan zapatuan ospatuko dute. Errukizko Amaren parrokian Irun eta Antzuolako abesbatzen emanaldia izango dugu, 20:00etan.
Aurtengo berritasuna da ospakizun horretan bere lehen emanaldia egingo duela Antzuolako Musika Eskolako neska-mutikoen abesbatza sortu berriak ere. Eurek emango diote, gainera, hasiera zapatuko emanaldiari, hiru abestirekin.


Gaztetxoen abesbatza hori osatzen dute 10 eta 12 urte bitarteko 13 neska-mutikok. Euren irakaslea eta zuzendaria da Alberto Carrera.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak