Horretarako, euskal kantu tradizionalez osatutako kantu liburuxkak banatuko dituzte.
19 herrialdetako jana
Egubakoitzerako munduko jakien postuak martxan egongo dira –denera 19 herrialde ezberdin–; gainera, plazan mahaiak eta aulkiak egongo dira herritarren esku. Hortaz, afarirako jana eta edana norberak eraman beharko du; postuetan eros daitezke, edo etxetik eraman.
Bentazaharreko Mutiko Alaiak taldeak girotu du afalordua, eta baita ondorengo orduak ere. Mundumira jaialdia hasteko modu ezin hobea!