Azken 35 urteotan bezala, Haur Dantzarien Eguna antolatu du Oinarin taldeak domekarako, urriaren 18rako. Bost talde izango dira herrian: Antzuolako Oinarin, Arrasateko Lore Gazteak, Oñatiko Oñatz, Legazpiko Korosti eta Soraluzeko Urrats.
Goizeko hamarretako txistularien kalejiraren ostean, taldeei harrera egin eta haiek herrian barrena kalejiran ibiliko dira eta gero, 12:45ean, plazan dantza saioa egingo dute. Neskek esku-dantza, arku-dantza eta makil dantza egingo dituzte; mutilek launakoa, jorrai-dantza eta txankarrankoa; denek batera, gorulari, fandango eta arin-arina.
Antzuolan ia 60 ume
Arratsaldeko saioa 17:30ean hasiko da eta talde bakoitzak bere dantzak eskainiko ditu. Antzuolakoek Trokeo dantzetako maki handi-dantza egingo dute.
Oinaringoek esan digutenez, Antzuolako taldean, orain, 55-60 ume inguruk dihardute eta aurten berriei aukera emateko asmoa dute.