Gaur egingo dute Aratusteetako lehenengo entsegua

Gaur, martitzena, egingo dute Aratusteetako lehenengo entsegua: Torresoroan izango da, 20:00etan. Hala, martitzenero egingo dituzte entseguak. Aratusteetako domekan, otsailaren 14a, egingo dituzte dantzok. Aurtengo aratusteetan Lantzeko inauteriak irudikatzea erabaki du Oinarin dantza taldeak. Esan digute aurretik ere egin dituzten dantzak direla; eta, gainera samurrak direla. Hortaz, herritarrak animatu gura dituzte aratuste domekan parte hartzera. Lantzeko inauteriaz gain, Antzuolan ohikoa den sorgin-dantza ere egingo dute, eta ez dira faltako hartza, tximinoa eta hezitzailea.