Orain nahi dute aldaketak lantzea eta, horretarako, herritarrekin hiru lantalde osatzea: historia landuko duena, koreografiaz arduratuko dena eta jendearen parte-hartzea bultzatuko duena.
Elkartu nahi dituzte alardearen gaineko mintegian parte hartu zutenak, azterketarako Eusko Ikaskuntzak elkarrizketatu zituenak eta interesa duten gainontzeko herritarrak. Lantaldeetan jardun nahi dutenekin batzarra egingo dute astelehenean, ekainaren 2an, udaletxean, 19:00etan.
Aurtengo alardean ez dute aldaketarik egingo. Ideiak lantzeko denbora behar dela esan digu Alardearen Elkarteko presidente Jose Luis Kortabarriak: "Koreografiaz arduratuko den lantaldeak ordua, jantziak... landuko ditu. Lehen, dantzariak joaten ziren kalejiran, eta hori berreskuratzeko gogoa azaldu da, baina ez dakit denak plazan sartuko diren", dio Kortabarriak.
Zein aldaketa egin ikusteko dago, baina Kortabarriaren esanetan, "diskurtsoak asko baldintzatzen du ekitaldia eta horren arabera eta jendearen parte-hartzearekin egingo dira aldaketak".