Azpeitiarrak San Sebastian jaiaren biharamunarekin etortzea gurako dute antzuolarrek; izan ere, lehia gogorra izango da zapatuan Eztala futbol zelaian Antzuolak eta Lagun Onak izango dutena.
16:00etan
Partidua 16:00etan hasiko da, eta nor baino nor gehiago lehiatuko dira sailkapenean seigarren tokian dagoen Lagun Onak (24 puntu) eta sailkapenean bederatzigarren den Antzuola (19 puntu).
Atzeratutako partidua
Elurragatik atzeratutako partidua jokatzea geratzen zaio Antzuolari lehenengo itzulia amaitzeko; eta dirudienez, otsailaren 13an izango da Anaitasunaren aurkako lehia hori.
Elgoibarren puntu bat
Joan den astean Elgoibarren aurka puntu baliotsua eskuratu zuten antzuolarrek. Hala ere, Igor Larrea entrenatzaileak esan digu "ezer gutxirako" balioko duela zapatuan, etxean, irabazi ezean. Elgoibarren egindako lanarekin gustura geratu da Antzuolako entrenatzailea.