Pilotalekuko lanak direla eta entrenamenduetarako eta partiduetarako beste frontoi baten bila jardun dute pilota elkartekoek. Oñatiko Udalarekin tratua egin ostean, Zubikoa kiroldegian egingo dituzte.
Elkartetik esan digutenez, Bergarako frontoira joatea pentsatu zuten, baina han ezin da palarekin jokatu eta antzuolarrek palaz eta eskuz jokatzen duten taldeak dituztenez, Oñati aukeratu dute.
Argiteria eta ateak
Elkartekoek egoki iritzi diete egingo diren lanei, baina horma berdez margotuko dutenez, nahiko lukete argi potentzia ere altxatzea. Udaletik jakinarazi digute oraingo lanen barruan ez dela sartuko eta bigarren fase batean konpondu nahi dituztela argiteria eta frontoiko ateak. Hala ere, noiz egingo duten ez dakite oraindik.