Antolatzaileen asmoa da txapelketa ahalik eta lasterren hastea. Seguru asko urriaren 3an ekingo diote, baina aurrez ikusi beharko da ea parte hartzaileek ahal duten.
Partiduak zapatu goizetan izango dira, eta txapelketa ligaxka eran jokatuko dute. Oraindik zehazteke dago multzo bat edo bi osatuko dituzten.
Txapela jokoan
Interesatuek Mox tabernan eman beharko dute izena datorren eguena, urriak 1, baino lehen eta 10 euro ordaindu beharko dituzte materialerako.
Iaz Josu Zubikaraik irabazi zuen txapela eta aurten ere txapela izango da jokoan. Gainera, parte hartzaileek afaria egingo dute txapelketa amaitzean.