Hala, goizean, honako alardeek euren burua aurkeztu eta alardea azaldu zuten: Elorrio (Bizkaia); Markinez (Araba); eta Legazpi, Tolosa, Irun eta Hondarribiako alarde mistoa, Irungo alarde tradizionala, eta Antzuola. Irungo alarde mistoaren eta tradizionalaren inguruan ikusmin handia bazegoen ere, ez zen inongo ika-mikarik egon, eta errespetu osoz jokatu zuten bi taldeek.
Arratsaldean izan zen ekitaldi ikusgarriena: Antzuola, Markinez, Elorrio, eta Irun eta Hondarribiako alarde mistoek erakustaldia egin zuten.