Eki Bringasek, Mikel Bringasen eta Rosa Lizasoren seme zaharrenak, jaio eta 9 hilabetera ezagutu zuen Euskal Herria. Bai, Euskal Herri guztia; izan ere, hura gurdi batetan sartu eta gurasoek 30 egunetan, euskal herriari itzulia eman zioten bizikletaz.
Atzo Antzuolan Mundumirako egitarauaren barruan eskaini zuen diapositiba emanaldia bidaiako hirukote protagonistak, eta euren bidaia, Eki txikiaren ikuspuntutik kontatu zuten. Haren begiek, bidaia hartan ikusi zutena eta sortu zizkion sentimenduetan oinarrituta zegoen istorioa.
Itzulia esan bezala, 30 egunetan egin zuten, Euskal Herriko zazpi lurraldetan zehar. Bidaiaren ondoren Lizasok eta bringasek egin zituzten ibilbideekin liburua egin zuten: Euskal herria en bici izenekoa. Bertan planteatzen dira, 3 edo 4 egunetan egiteko 23 ibilbide borobil. Hau da, hasiera eta bukaera toki berean duten ibilbideak.
Euskal Herriko toki idorrak eta hezeak zeharkatu zituzten, giro urbanoa eta hiria, mendiko lasaitasuna eta kostaldearen xarma.
Mikel Bringasek adierazi zigun, oso esperientzia ederra eta aldi berean gogorra izan zela, baina horretaz aritzean haren aurpegiari darion dirdirak zailtasunen gainetik pozaren sentimendua gelditzen dela adierazten du. Hirukotea, orain laukote da, duela gutxi jaio baita Lur, etxeko laugarrena eta familia horrek duen naturarekiko maitasuna ikusita, ziur ez dutela gehiegi itxarongo hurrengo bidaia hasteko.
Euren bidaien eta argitaratutako liburuaren gaineko informazio gehiago gura izanez gero, www.bizibidaia.net webgunean duzue aukera.