Ezti ekologikoa eta eskuz landutako makilak. Euskal pastelak, taloak, ganadua eta kontserbak. Eta zoritxarrez, une askotan, baita euria ere. Denetarik egon zen atzo Antzuolako San Isidro azokan, eta aterkia eskutan hartuta, asko eta asko izan ziren bertaratu zirenak.
Artisau eta saltzaile asko kanpotik etorri arren egon zen antzuolarrik: Diego Sanchezek esaterako, etxean egindako makilak erakutsi zituen, eta Iralatorre baserriko Aimar, Ekain eta Ibaik baserritar jantzita eraman zituzten euren etxeko ardiak eta aharia ganadua zegoen tokira. Aurten gainera, lehenengo aldiz, Lizarraga auzoko bizilagunek taloak saltzeko postua jarri zuten presoen aldeko dirua jasotzeko, eta ilarak ikusita, esan daiteke ideia arrakastatsua izan zela.
Kukumarruen lehiaketa ere egin zen eta antzuolarrek sekulako irudimena dutela erakutsi zuten: kukumarru txirrindulariak ikusi ahal izan ziren, baita El Jonan famatua edo Galileo Galilei bezala jantzitakoak ere.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
