Pedro Iturbe alkateak orduan ere adierazi zuen, Udalarendako, eskola aurreko guneak zeukala lehentasuna, ume gehien hantxe ibiltzen delako eta eskolako sarrera ondoan dagoelako. Horregatik, oraingoz, gune horretako jolasak eraberrituko dituzte.
Arrizabal enpresari esleitu dizkiote lanak; ia 10.000 euroko aurrekontua izango dute. Batetik, lurzoru guztia berria jarriko dute; oraingoaren ezberdina izango da, gainera. Oraingoa zatika antolatuta dago; lurzoru berria dena bat izango da. Adituen esanetan, gehiago irauten dute era horretakoek, eta seguruagoak dira. Ez dute jolas berririk erosiko, daudenak konpondu baizik.
Iturbek azaldu du Gabonetako argietan aurreratutako diruarekin egingo dutela inbertsioa, "probetxugarriagoa" delakoan. Iaz, 9.000 euro gastatu zuen Udalak argietan.