1936ko gerrako urteetan jai-bilerak egiten ziren Ardanbidetan , baina garai berriko erromeriarekin 2004. urtean hasi ziren Zingi Zango elkartekoak, Legazpiko euskal giroa sustatzeko asmoz. Orain, antzuolarrak animatu nahi dituzte parte hartzera.
Egitaraua
12:00etako agurraren ostean, 12:30ean txirrindulariei harrera egingo diete; izan ere, aurten, lehen aldiz, Legazpitik Ardanbidetara bizikletaz joateko dei egin dute. Erromeria eta dantza saioa 13:00etan hasiko da eta Patxi eta Konpainia taldearen laguntza izango da horretarako.
15:00etan egingo dute bazkaria, baina aurten ez da paella eta zikirorik izango. Bazkaria norberak eraman beharko du; hala ere, jairako propio ipinitako tabernan pintxoak izango dira.
Bazkalostean jolasak egongo dira: sokatira, oskol jokoa, indar probak, trebetasun probak... Amaitzeko, zozketa egingo dute eta 18:00etan jaitsi egingo dira.
Legazpitik autobusa egongo da, baina antolatzaileek oinez joateko gomendioa egin diote jendeari. Antzuolarrak Altzeta baserritik gora, Sokomendin barrena edo Deskargatik joan daitezke Ardanbidetara.
Eguraldi oso txarra eginez gero, Patxi eta Konpainiaren dantza-saioa baino ez da egingo Legazpiko azokan.