Bi gai nagusi landuko dituzte batzarrean. Batetik 2009ko memoria irakurri eta diru kontuen azalpena eta onarpena izango dute; eta, bestetik, 2010eko ekintza eta aurrekontuen aurkezpena. Erretiratuek deia egin dute batzarrean parte hartzeko.
Irteera
Batzar orokorraz gain, erretiratuen elkarteak apirileko irteeraren berri eman du. Hain zuzen, apirilaren 14an egingo dute irteera Iratxera eta Los Arcosera.
Hilaren 14an, eguaztena, 9:00etan izango da irteera betiko lekuan. Iratxera egingo dute bisita lehenengo; han, luncha hartu ondoren Los Arcoseko Santa Maria la Realen bisita gidatua izango dute. Bazkaria, bingoa eta dantzaldia Iratxe hotelean izango dute erretiratuek.
31 euro pertsonako
Irteerara joan gura duenak izena eman beharko du. Izena emateko egunak dira apirilaren 6a eta 7a 16:00etatik 18:00etara jubilatuen elkartean bertan. Izena ematerakoan ordaindu behar da 31 euro pertsonako.