Bihar, zapatua, jokatuko dute finaleko partidua, Beasaingo futbol zelaian, arratsaldeko bostetan, Lazkaoko taldearen aurka. AKEko arduradunek autobusa jarri dute partidua ikustera eta taldea animatzera joateko. Gauean, igoera ospatzeko, eta ligako txapeldun izatea ere bai beharbada, afaria egingo dute, eskolako patioan. Herritar guztiak daude gonbidatuta. Izena emateko, bai autobuserako, bai afarirako, Altzartera jo behar da, eguena, hilak 31, baino lehen.