Biztanle kopurua kontuan hartuta ez dago plana egitera behartuta Antzuolako herria, baina Karmele Korta Gizarte zerbitzuetako teknikariak azaldu du, herritarrek gai honekiko sentsibilitate berezia dutelako erabaki zutela plana egitea. Plana egiten 2008an hasi ziren, egoeraren diagnostikoa eginez.
Gizartearen islara
Diagnostikoan ikusi dute Antzuolako egoera beste herri batzuen modukoa dela. Gizartean ematen diren ezberdintasun berak ematen dira Antzuolan ere.
Plana 2009an diseinatu zuten. Horretarako, hiru bilera egin zuten Antzuolan; askotariko herritarrak elkartu ziren eta diagnostikoan oinarrituta ekintzak proposatu zituzten. Orain, lehentasunak ezarri behar dituzte ekintza horiek aurrera eramateko.
2010-2013 urteetarako plana
Plana 2010-2013 urteetarako da eta hainbat arlo landuko dituzte: Udala, kultura eta kirola, hezkuntza, gizarteratzea...