'Eltzikorta'-ren argazkia kendu dute Zurrategitik, Ertzaintzaren aginduz

Atzo eguerdian, Antzuolako udaletxean bi ertzain agertu ziren Zurrategi plazan zegoen Jose Luis Erostegi 'Eltzikorta' presoaren argazkia kentzeko aginduarekin. Agindu horren arabera, argazkia ahalik eta azkarren kendu beharra zegoen, 24 ordu baino lehen. Terrorismoaren biktimen aitortza eta erreparazioa egiteko 4/2008 legean oinarrituta eman zuten agindua. Udaleko ordezkariek argazkia kendu zuten, baina Ertzaintzaren jokaera salatu dute.

Pedro Iturbe alkateak esan digunez, "Antzuolako herrian hainbat lapurreta eman direnean Ertzaintzaren ardura eta orain agertzen dutena oso bestelakoak izan dira. Herri barruko trafikoaren jarraipena beraien eskumena izanik ere ez dute ezer egiten. Horrez gain, jakinarazpena erdara hutsean egin dute".

Terrorismoaren biktimen aitortza eta erreparazioa egiteko legea.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.