Errekaldeko Gazte Txokoa eta 11 eta 15 urteko herriko gaztetxoek aisialdiaz modu hezigarrian gozatzea da helburua. Aurten ere abiarazi dute gaztetxoen proiektua eta hainbat egitasmo gertu dauzkate jadanik; besteak beste tailerrak edo irteerak egitea aurreikusi dute.
Aste bukaera honetan zirko tailerra egin dute eta monozikloan ibiltzeko zein esku jokoak egiteko aukera izan dute. Bestalde, datorren asteburuan, Fimo materialarekin eskulanetan jardun eta bitxiak egingo dituzte.
Batzarra
Gazte Txokoko jarduerak abian diren arren, datorren eguenean 19:00etan batzarra egingo dute Errekaldeko lokalean Udal ordezkariek gaztetxoen gurasoekin.
Batzarrean gurasoei Gazte Txokoaren funtzionamendua azalduko diete eta baita 2008rako asmoen berri eman ere. Bestalde, euren iritziak eta ekarpenak jasotzeko baliatuko dute bilera.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
