Eskulanak, jokoak, herriko txokoetara irteerak... egingo dituztela aurreratu digute antolatzaileek, eta jakinarazi dute, baita ere, aurten ekintzetan berrikuntzak sartzeko ahalegin berezia egin dutela. Ohikoa den moduan, San Fermin Eguna egingo dute, baina izango dira kulturen eguna, uraren eguna, joko paralinpiarrak...
Jaietako lehen eguna
Uztailaren 16an, eguena, herriko jaiak hasiko diren egun berean, amaituko dira udaleku irekiak, baina egun horretarako ere gertatuko dituzte ekintzak udaleku irekietakoek. Izan ere, 12:00etan jaiak iragartzeko kanpai hotsarekin batera, serpentinak, globoak… botako dituzte eta alkate eta alkatesa txikien saioa ere izango da. Gero, neska-mutikoek udalekuetan gertatutako ikuskizuna eskainiko dute Herriko plazan eta kaleetan batukadarekin ibili ostean, eguerdian umeek herri bazkaria egingo dute.