Finantziazioa
Udalak 520.251,57 eurotan esleitu ditu lanok. Finantziazioari dagokionez, Eusko Jaurlaritzako Hezkuntza departamentuak obren %60 finantzatuko du; Gipuzkoako Foru Aldundiak 100.000 euro jarriko ditu; Kutxak 65.000 euro; eta, gainontzeko finantziazioa Udalak hartuko du bere gain. Aurreikusi dute 73.000 euro gastatzea –obra zuzendaritza barne–.
Mundumira ondoren
Mundumira jaialdiak lanetan ahalik eta gutxien eragin dezan, obrak ekainean hasiko dituzte. Aurreikusi dute lanak udako hilabeteetan egitea; 11 aste beharko ditu Egaralurrek lanok gauzatzeko, eta datozen sei urteetarako garantia izango du.
Egin beharrekoa
Aterpearen azalera 1.466 metro koadrokoa izango da. Estalkiak aluminiozko txapa izango du kanpoaldean eta izeizko egurra barrualdean. Euriaz eta haizeaz babesteko polikarbonato zelularrezko kanpo-inguratzailea izango du aterpeak, barrualdean hiru metroko altuera libre uzten duena.
Ikasturte berrirako gertu
Aurreikusitakoaren arabera ikasturte berrirako gertu egongo litzateke aterpe berria.
Gainera, atzoko osoko bilkuran onartu zuten obra zuzendaritza Alvaro Perez de Amezaga arkitektoari esleitzea.