Batasuneko kideen atxiloketak salatzen zituen idatziak, eta eskatzen zuen "independentismoaren aurkako jazarpena" amaitzea; bestetik, "errepresioaren aurrean jarrera tinkoa hartuko duela Udalak"; azkenik, proiektu politiko guztiak bideragarriak egingo dituen marko batean dagoela konponbidea.
Alderdien balorazioak
Zutik-EB-Aralarko ordezkariek adierazi zuten eskubide urraketa nabarmenak gertatzen direla, baina ez daudela ados idatzian egiten den balorazio politikoarekin.
EAJko ordezkari Joxi Beltranek zera adierazi zuen: "Hainbat atentatu izan ditugu azkenaldi honetan eta orduan ez dut horrelako idatzirik ikusi". Dena dela, gaineratu zuen Batasuneko kideen atxiloketaren aurka daudela.
PSE-EEeko zinegotzi Paco Morcillok esan zuen Garzonen agindua argia eta zehatza dela, eta EAEko ordezkariei eskatu zien indarkeria gaitzesteko.
Pedro Iturbe alkateak adierazi zuen indarkeria guztien aurka daudela eta ahaleginak egingo dituztela gatazkari irtenbidea emateko.