Donibane Lohitzunera irteera egingo dute erretiratuek ekainaren 9an

Antzuolako erretiratuek Donibane Lohitzunera irteera egingo dute. Egun osoko irteera izango da, eta ekainaren 9an, eguaztena, egingo dute. Izena emateko epea datorren astean izango da. Erretiratuen elkartean bertan eman beharko da izena ekainaren 2an eta 3an, eguaztena eta eguena. Elkartetik pasatu behar da 16:00etatik 18:00etara. Irteerako prezioa da 31 euro pertsona bakoitzeko.

Hamarretakoa eta bazkaria

Goizean goiz irtengo dira erretiratuak Antzuolatik; eta, hamarretakoa egiteko geratuko dira bidean. Donibane Lohitzunen goiza pasa ostean bazkaltzera joango dira Oiartzunera. Bazkari ederra egingo dute, eta arratsalde pasa Hondarribiara joango dira. Hondarribian, besteak, beste, alde zaharra bisitatzeko aukera izango dute antzuolarrek.

Hitzaldia

Ekainaren 9ko irteeraz gain, datorren asteari begira hitzaldia antolatu dute erretiratuek.
Maitasuna eta afektibitatea pertsona nagusietan hitzaldia egingo dute elkartean bertan. Eguaztenean izango da, hilaren 2a, 17:00etan. Erretiratuek Bizikasirekin batera antolatutako hitzaldia izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.