Antzuolarrei gonbidapena egin diete parte hartzeko eta Korrika batzordekoek esan digutenez, "detaile polita izango litzateke hara joatea". Hortaz, domekan, 15:00etan Antzuolako plazan egin dute hitzordua eta Aiherrara joatera animatzen direnak han elkartuko dira gero autoetan joateko.
Antzuolan Korrikaren harira egin da ekintzarik eta hurrengo aste bukaerarako ere iragarri dituzte ekitaldi gehiago.
Egubakoitza, apirilak 3
- 11:30 Korrika Txikia.
- 19:00 Triki-bertso poteoa.
Zapatua, apirilak 4
- 11:00-13:00 Umeendako jolasak frontoian: puzgarriak, txapak, aerobika…
- 16:30 Umeendako zinema Olaranen.
- 19:00 Film laburren emanaldia Olaranen.
- 21:00 Herri afaria frontoian.
- 01:05 Korrika Antzuolara sartuko da Bergaratik.
- Ondoren, Opari sorpresa eta txokolate beroa plazan.
- Gero, Karaokea eta jolasak gaztetxean
Afarirako txartelak salgai
Herri afarirako txartelak aurrez salgai egongo dira Gailur, Arin, Larrea eta Mox tabernetan, Altzarte gozotegian, Martin okindegian eta gaztetxean 12 euroren truke martxoaren 29ra bitartean. Afaritarako gertatu duten menua honako hau da: marmitakoa, oilasko errea entsaladarekin, etxeko hostopila, kafea eta kopa.