Diputazioak FEVEri erosiko dizkio trenbidea pasatzen ziren lurrak, bidegorria egiteko

Gipuzkoako Foru Aldundiak FEVEri Antzuolan dauzkan trenbidearen lurrak erosiko dizkio, bidegorria egiteko. Diputazioko arduradunek espero dute apirilean bertan sinatzea hitzarmena. 96.000 euro inguruan erosiko ditu lurrok. Antzuolako Udala arduratu da FEVErekin negoziatzeaz.

Gipuzkoako bidegorri sarearen parte izango da Antzuolakoa, eta Diputazioa arduratuko da proiektua idazteaz eta lanak finantzatzeaz. Aurtengo aurrekontuetan, 200.000 euro aurrez ikusi ditu Diputazioak bidegorri horretarako.

Bide zaharra ere, bidegorri

Bestalde, Bergararako bide zaharrean ere bidegorria egingo dute. Diputazioa arduratuko da lan horietaz, eta dagoeneko badabiltza azterketa geoteknikoak egiten eta proiektua idazten. Galartzarako zubia baino goraxeago, Errege Bidearekin bat egingo du bide zaharrak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.