Zirkulazioan traba gutxi eragiteko desbideraketa egingo dute. Sagastitik Antiguara joateko Elco, Navarro, Oerlikon... lantegien aurreko aldetik pasa beharko. Autobus geltokietan ere egingo dituzte aldaketak: Zumarragarako autobusak Antiguan geratuko dira eta Bergarara doazenak, berriz, Olaranen.
Pazientzia eskaera Udaletik
Udaletik aurreikusi dute Kalegoiko azpiegitura eta zoladura lanek uztailaren erdi aldera arte irautea eta barkamena eskatu nahi diete epe horretan kalteak jasango dituztenei, batez ere Kalegoiko bizilagunei.
Barkamena ez ezik ulerkortasuna eta pazientzia ere eskatu nahi dizkiete herritarrei eta gidariei, "egingo diren lanek Antzuolako herritar guztiei ekarriko baitie onura", diote herrian barrena zabaldutako bandoan.